لدویف بریارا ژمارە (١٨) یا سالا ٢٠٠٠ ێ یا پەرلامانێ کوردستانێ کونگرێ ئێکێ یێ سەندیکا ژمێریاران و وردبینێن کوردستانێ ل رۆژێن ٢٧/٢٨-٤-٢٠٠٢ێ ل هەولێرا پایتەخت هاتە بەستن و نەقیب و ئەندامێن دەستەیا سەندیکایێ هاتنە هەلبژارتن و ژ ئەگەرێن سەرەکێ یێن دامەزراندنا ئەڤێ سەندیکایێ  ئەوە خزمەتا هەمی لایەنێن گرێدای پیشەیا ژمێریاری بکەت و بەرزکرنا شیانێن پیشەیی و رەوشەنبیری و ئابووری یێن ئەندامێن خو و بەژداری کرن و پلان دانان ژ بو گەشەپێدانا ئابووری یا هەرێمێ ب هەماهەنگی دگەل لایەنێن پەیوەندیدار

ل رۆژا ١١/٥/٢٠٠٢ ێ هەلبژارتنێن تایێ دهوکێ هاتنە ئەنجامدان و دەستەیەک هاتە دانان و هەر ژ وی دەمی و تا نوکە سەندیکا ژمێریاران تایێ دهوک شیایە خزمەتەکا مەزن پێشکێشی ئەندامێن خو و خودان پێشەیا ژمێریاری بکەت وەک دامەزراندنا ژمارەیەکا هەرا زور ژ دەرچویێن کولیژا کارگێری و ئابووری ل زانکویێن دهوکێ لسالێن ٢٠٠٩-٢٠١٠-٢٠١١ ێ و بەخشینا سندوقێن هاریکاریا بو هەر ریدانەکا نە چاڤەرێکری بو نمونە سندوقا هاریکاریا پێشمەرگێ قارەمان ل شەرێ دژی تیرورستێن داعش

هەر وەسا دیتنا دەرفەتێن کاری بو ئەندامێن سەندیکایێ ومافپێدانا ئەندامێ سەندیکایێ ئەوێن رێپێدای بو ئیمزاکرنا گرێبەستان دگەل کومپانیێن نافخوی و بیانی لدیف رێنمایێن سەندیکایێ بو هەر خالەکێ کوژمێ ٥٠٠،٠٠٠ دینارن

هەر وەسا ئێک ژ دەسکەفتێن سەندیکا ژمێریاران و وردبینانێن کوردستانێ دامەزراندنا ئەنستتیوتا بالا یا ژمێریارێن یاسایی کو دەرچویێن ئەڤێ ئەنستتیوتێ دبنە هەلگرێن باوەرناما ژمێریارێ یاسایی کو وەک ماف و ئمتیاز یا وەکهەڤە دگەل باوەرناما ماستەرێ و ئەڤ ئەنستتیوتە هاتیە دامەزراندن ل سالا ٢٠١٢ لدەستپێکێ ل باژێرێ هەولێرێ و پاشان شیایە ل سالا ٢٠١٦ ل پارێزگەها دهوکێ و پاشان سالا ٢٠٢٠ ل پارێزگەها سلێمانیێ ب دامەزرینیت و ئەڤێ ئەنستتوتێ شیایە خزمەتەکا ئێکجار زور پێشکێشی پیشەیا ژمێریاری و بازارێ کاری بکەت